IKTekin IKasTen

Teknologia ( berriak ) ... ez da tresneriaren sinonimo; teknologia erakundeen berezko ekintzek eta jarduerek osatzen dute. Teknologia ekintzak antolatzeko modu jakina da, zergatia ezagutzeak justifikatzen duen eragiketa-prozesua planifikatzeko, exekutatzeto eta kontrolatzeko modua.

Teknologia Berriak ikasgaian motela izan zen nire hasiera, batez ere, beldurragatik. Nik ordenagailua eta orain dela gutxi erositako tableta egunero erabiltzen dudan arren, ez nintzen asko ausartzen interneten bidez ezagutzak, dokumentuak, argazkiak, eta abar elkartzeko edo eskegitzeko, adinagatik agian.

Gainera, nire energia itsela den arren, badirudi ordenagailuen energiaren kontran dagoela; beti gauza arraroak gertatzen zaizkit eta. Hala ere, azkenean nire beldur pertsonalari aurre egitea erabaki dut: Nola hasi? Ba… horrelako gauzak beti hasten diren bezala: kuxkuxeatzen. Zailena izena topatzea izan zen, eta azkenean gaur egungo munduaren abiadurak, batez ere, IKTaren argiaren abiadurak eta trena galdu ezinak formazio etengabearen dinamika ekarri duenez, “Beti Ikasten” izendatzea egokia iruditu zitzaidan. Izan ere, bizitzako edozein eremutan beti daukagulako zer jaso eta zer eskaini, zer ikasi eta zer irakatsi. Beraz, irakasle identitatearen sorkuntzak ez dauka mugarik, bukaerarik gabeko prozesu bat da, beti ikasten ari baikara.

Nire IKTen azaleko kulturan sakontzeko esanguratsua izan da Jose Antonio Millanen liburua “Hacia la escuela 2.0” eskolarako proposamen errazen bidez informazio zuzena eta esanguratsua lortu baitut: Google docs, Wikiak, Wikipedia, Flickr, Fuzzmail, Blog edo Web log, YourGMap, Google maps, Creative Commons baimenak,… eta azkenean pausua, SlideSharen bidez igotzea.

Bueno… apur bat… ezagutzen nituen ikusitako programak, baina beti erabili dut informazioa kontsultatzeko eta inoiz ez igotzeko. “La Cultura del Picoteo” erabiliz eta praktikan jarriz.

Beraz, hasierako beldurra gaindituta, baina oraindik piska bat lotsati.

Gauzak horrela eta Teknografiaren bideoa egiteko beharra… Zenbat denbora eta denbora hartu dudan, ez bakarrik Movie Maker bideo txukuna egiteko, baizik eta irakasle autobiografiari buruz zer esan nezakeen pentsatzeko ere. Ez da batere erraza, zure bizitzako momentu esanguratsuenak topatzea eta zure izaeran eta lan egiteko eran eragina izan duten kontuak biltzea. Eta bukatzeko YouTubera igotzea asko kostatu zitzaidan. Benetan, email baten bidez irakasleari aitortu nuen bezala, “ nire irakasle autobiografia besterik ez zen, baina nik biluzik banengo bezala sentitu nintzen”. Irakasleak beste ikaskideekin ideia hori konpartitu eta gero, konturatu nintzen teknografiaren lanak besteei ere antzeko sentimenduak sortarazi zizkiela. Eta bakarrik ez nengoela ohartu nintzen.

Beraz, nire IKTen ezaguera handituta, eta lotsa ere gaindituta, esan beharra daukat IKTek komunikazio sozialak handitzen dituztela oso. Eta harreman sozialak mesedegarriak dira garapen pertsonalerako, baina baita lana hobetzeko ere. Sorte handia dugu orain hainbeste teknologia gure eskuetan izanik, eta aprobetxatu beharrean gaude. Nahiz eta erraza ez den, etengabeko formazioa eskatzen baitigute, behar-beharrezkoak dira. Askotan lan prozesua gaitasun handiaz, baita intuizioz eta senez egiten dugu, eta orain tresna teknologietan oinarritu ahal dugu.

Eskerrak Alaitzi hainbeste baliabide on gure eskura jartzeagatik eta baita beste ikaskide guztioi ere, zuen laguntzaren bidez, nire burua egunero hobetzen dudalako !!!

 Hona hemen ikasgaiaren eginkizunen gustokoena:

IRAKASLEAREN TEKNOGRAFIA:

33 urterekin, familia osatuta, lanean eta beste txiki bat bidean; nork esango luke abentura honetan murgilduko nintzela?

Arrazoiak bi izan ziren nagusiki:

1.- Euskararen normalizazioa ahalbidetzea

2.- Umeen inguruko ezagutzak jasotzea, nire eguneroko bizitzan zuzenean praktikan jartzeko.

Asko izan dira irakasle identitatearen formakuntza honetan eragina izan duten eta azpimarratuko nituzkeen ideiak:

1.- Praktikatik teoriara eta teoriatik praktikara, hori egokitu zait niri ikasketa honetan.Nire lehen semea heldu zitzaidan irakaskuntzaz ezer gutxi nekiela. Ikasketa hauek burutzen hasterakoan ohartu nintzen zein gutxi prestatuta gauden ez bakarrik irakasle izateko, baizik eta guraso izateko ere. Teoria ikasi ondoren ohartu nintzen gurasoen artean ideia konduktistak daudela eta praktikara bueltatu nintzen konstruktibista izateko asmoz.

2.- Familia eskolaren arteko harremana, lehen garrantzitsua iruditzen bazitzaidan ere, are garrantzitsuagoa dirudit orain. Eskolan eta etxean egiten denaren artean jarraipen bat egotea ezinbestekoa da umeen garapena zuzena, esanguratsua eta zentzuduna izan dadin. ( Eskolan egiten dena modu formalean, etxean ere egin daiteke modu ez formalean )

3.- Umeek ezagutza nola eraikitzen duten ikasteak hauengandik hurbilago sentiaraztea ahalbidetu dit, umeak hobeto ulertzen ditudala esango nuke, beraien azalean jartzeko gaitasuna lortu dudalako. Eta horrela, beraiekin maitasun handiagoz lan egiteko, pazientzia eta gogoa.

Irakaskuntza zer den laburtzeko Gabriel Zelaiaren hitzak aproposak dirudizkit:

Educar es lo mismo que poner un motor a una barca.

Hay que medir, pesar, equilibrar… y poner todo en marcha.

Pero para eso uno tiene que llevar en el alma

un poco de marino, un poco de pirata, un poco de poeta,

y un kilo y medio de paciencia concentrada.

Pero es consolador soñar mientras uno trabaja,

que ese barco – ese niño – irá muy lejos por el agua.

Soñar que ese navío llevará nuestra carga de palabras

hacia puertos distantes, hasta islas lejanas.

Soñar que cuando un día esté durmiendo nuestra propia barca,

en barcos nuevos seguirá nuestra bandera enarbolada.

- Gabriel Celaya -

Azkenean uste dut lortu ditudala nik hasieran planteatutako helburuak, hala ere, beti ikasten da nire blogaren izena eta badauka zentzua, izan ere, bizitzako edozein eremutan beti daukagu zer jaso eta zer eskaini, hau da, irakasle garen heinean ikasle ere bagara. Beraz, ezin ahaztu dezakegu irakasle identitatearen sorkuntza honek ez daukala mugarik, bukaerarik gabeko prozesu bat da, beti ikasten ari baikara. 

METAPOSTA

Legezko froga-balioa duen Interneteko dokumentu-gordagailua da, interes pertsonaleko dokumentuak gordetzeko ahalmena duena eta  postontzi elektronikoko eginkizuna betetzen   duena.

Metaposta hainbat herrialdetan garatutan ezartzen ari dira, “orri pertsonalaren” proiektu askotan ezarritako joerek eragiten duten proiektua da. 

https://www.metaposta.com/eu/index.html

HACIA LA ESCUELA 2.0 by Jose Antonio Millán ( nc sa )

Eskerrak Jose Antonio Millán-i "Hacia la Escuela 2.0" liburuan emadako ideiagatik, IKTen arloan eskolan praktikan ipintzeko 5 proiektu interesgarri proposatzen dizkigu. Benetan gomendagarria.
Gehiago jakiteko: http://jamillan.com
Autorearen beste liburuak:

• Manual de urbanidad y buenas maneras en la Red (Barcelona, Melusina, 2008), 
• El candidato melancólico. De dónde vienen las palabras, cómo viajan, por qué cambian y qué historias cuentan (Barcelona, RBA, 2005), 
• Base y el generador misterioso. Una aventura digital (Madrid, Siruela, 2002), 
• Internet y el español (Madrid, Fundación Retevisión, 2001), 
• De redes y saberes. 
• Cultura y educación en las nuevas tecnologías (Madrid, Santillana, 1998).

TABLETak

Ordenagailuek ikusmena eta entzumena erabiliz IKTetan murgiltzeko eskaintzen dute, baina tabletak aurrekoen etorkizun bezala ikus ditzakegu, izan ere aurreko sentsuez gain ukimena ere lantzen baita eta ez baitu motrizitate finaren hainbesteko beharrik aurkezten, sagua ez baita erabiltzen, haur txikiekin lantzeko eta erabiltzeko aukera eskainiz.

Hainbat dira gainera egun agertzen ari diren programa berriak haurrekin lantzeko, musikaz gozatzeko, idazteko, beste hizkuntzak lantzeko, matematika garatzeko eta abar. Begiratu 2 urteko umea nola erabiltzen den bere iPAD:

Gainera gero eta gehiago saltzen ari da jolas bezala eta hainbat dira erabiltzen ari diren bitartean martzan jar daitezkeen babes programak. 

Hauek ere hezkuntzan eta klaseetan murgiltzen hasi beharko dira laster.

WEBQUEST, Lanak bidaltzeko modu ordenatuan internet bidez

Nahi eta nahi ez gure ikasleak lanez hornitu behar ditugu eta badago hau egiteko modu motibagarria ere.

Webquestek informazioa eta egitekoa zatituta eta ordenatuta ipintzen dute. 

INDEX

SARRERA

LANA

NOLA EGIN

GARAPENA

EBALUAZIOA

IRAKASLEAREN GIDA

KREDITOAK

Eta honetarako aukera eskaintzen dute: irakasleak gaia aurkezten du, egin behar duten lana azaltzen du, erabili beharreko informazioa estekatzen du ( erabiliko dituzten orriak kontrolatzeko aukera izanik ) eta ebaluatuko denari buruzko informazio eskaintzen zaie ikasleei.

Hona hemen berritzeguneko balibideen arteko adibideak:

http://a02.berritzeguneak.net/eu/webquest_buscar.php

BIRTUALA DENA

IKTen arloan asko dira azken boladan agertzen ari diren hitz berriak, askotan guretzako sentsu gabekoak direnak bere abstrakzio maila dela eta.

Hona hemen arazo hau argi uzten duen power-point esanguratsua:
Errealitate birtuala

EDUTEKA

IKTak irakaskuntzako web interesgarri honek mila baliabide, tresna, lotura, berri,... du.
Erderaz eta ingelesaz

BLOGAK ESKOLETAN, UMEEN ESKU

Umeek ere gelan blogak egitea interesgarria dirudit, bai beraientzat baita gurasoentzat ere. Hemen aurkeztutako bloga nire 5 urteko semearen eskolako bloga da, Gobeleza izenekoa. 

Izena ohartzen du eskola biren arteko harremanaren ondorio delako,

Gobela eta Lezamako eskolena hain zuzen ere.

Motibagarria da ikasleentzat, beraiek baitira honen sortzaileak, bere ikastetxeetako kideekin komunikatzeko eskaintzen dielako; eta beraien eguneroko ekintzak birgogoratzeko. 

Gurasoentzako oso erabilgarria da seme-alaben ikasketa prozesuaren 

jarraipen bat egiteko aukera eskaintzen baitu.

Ikusi nahi baduzue hona hemen helbidea: http://www.gobeleza5urte.blogspot.com/

Etorkizunean horrelakoak egitera animatzen zaituztet !!!!

IKTetan Kontsumismoa ere, gaurko ekonomiaren motorra

Ba al zenekiten kontsumismoa gure ekonomiaren motorra dela eta, IKTetan erabiltzen ditugun gailu gehienak garantia irauten duen beste bizitzeko txip bat daukatela integratuta?

Deigarria iruditu zait datu hau, izan ere, teknologiak aurreratzeko duen abiadura ikusita eta gailu berriek kostatzen dutena eta gailu zaharrak konpontzea kostatzen duenak konparatuta, hobe da gailu zaharra bota eta berria erostea.

Ekonomia berristea lortzen dugu baina ohartzen al gara ingurumenean eragiten ari garen kalteaz? Botatzen dugunak ez dauka berrerabiltzerik ezta birziklatzerik ere.

Ez litzateke egokia izango honetaz hausnartzea eta orain bizitzen ari garen errealitatea aldatzea?

Dokumentala ikustea gomendatzen dizuet, luzea baina benetan interesgarria eta saritua:

http://www.youtube.com/watch?v=UkqdcBww1SU